ჰანიველ ცემენტი საქართველოში 2006 წლიდან ოპერირებს და წამყვან ბრენდს წარმოადგენს ცემენტის და ბეტონის ადგილობრივ ბაზარზე. კომპანია ფლობს ცემენტის ქარხნებს კასპში და რუსთავში ასევე ცემენტის წისქვილს ფოთში და ცემენტის ტერმინალს სუფსაში. ჰანიველ ცემენტი კლინკერის ერთადერთი მწარმოებელია საქართველოში. ბეტონის პირველი ქარხანა ქვეყანაში 2009 წელს ამოქმედდა. ამჟამად ჰანიველ ცემენტი ბეტონის 15 ქარხანას ითვლის.

ჰანიველ ცემენტი აცხადებს ვაკანსიას რუსთავის ცემენტის ქარხანაში კირქვის მიმღები დანადგარის ოპერატორის პოზიციაზე.
სამუშაო ლოკაცია: ქ. რუსთავი, მშენებელთა ქ. #70
სამუშაო გრაფიკი: 12 საათიანი ცვლა, (2 დღე სამუშაო, 2 დღე დასვენება).
ვაკანტური პოზიციების რაოდენობა: 1

ძირითადი მოვალეობები:

• კირქვის მიმღები დანადგარის უსაფრთხოდ და გამართულად მუშაობის უზრუნველყოფა.
• ყველა აგრეგატის გამართულობის ვიზუალურად შემოწმება.
• ლენტური ტრანსპორტიორების ზედამხედველობა, უსაფრთხოდ და გამართულად მუშაობის უზრუნველყოფა.
• ნედლეული მასალების დოზატორების სწორი და უსაფრთხო ოპერირების უზრუნველყოფა.
• ნედლეულის საფქვავ-საშრობი წისქვილის დოზირების კვანძის ხვიმირებში მასალების რაოდენობების კონტროლი და მათი დროული შევსების უზრუნველყოფა.
• ცვლის განმავლობაში აღმოჩენილი ხარვეზების/გაუმართაობების შესახებ უშუალო მენეჯერის დროულად ინფორმირება.
• სარემონტო სამუშაოებში მონაწილეობის მიღება.
• სამუშაო ადგილის დასუფთავება.
• კომპანიის სამუშაო ტერიტორიაზე არსებული და მოქმედი შრომის უსაფრთხოების წესებისა და რეგულაციების დაცვა.

საკვალიფიკაციო მოთხოვნები:

• აუცილებელია წარმოებაში მუშაობის გამოცდილება.
• აუცილებელია დანადგარის ოპერატორად მუშაობის გამოცდილება;
• სასურველია სამართავი აგრეგატების პარამეტრების ცოდნა;
• მექანიკური და ელექტრო სამუშაოების საბაზისო დონეზე ცოდნა;

უნარ ჩვევები:

• პასუხისმგებლობის გრძნობა.
• გუნდურად მუშაობის უნარი

არსებული ბენეფიტები:

• ტრენინგებს სამუშაოს კვალიფიციურად შესასრულებლად;
• კომპანია უზრუნველყოფს უფასო კვებას;
• ჯანმრთელობის კერძო დაზღვევას საუკეთესო პირობებით;
• უფასო ტრანსპორტირებას სამსახურამდე;
• დეკრეტული შვებულების სრული ანაზღაურება;
• ფულადი დახმარება ბავშვის შეძენის შემთხვევაში;

დაინტერესების შემთხვევაში გთხოვთ მოგვაწოდოთ თქვენი რეზიუმე ელ.მისამართზე: careers@cement.ge (ასევე, შეგიძლიათ შეავსოთ და გამოგვიგზავნოთ თანდართული სააპლიკაციო ფორმა) ან მოგვწერეთ თქვენი საკონტაქტო ინფორმაცია და ჩვენ დაგიკავშირდებით.
გთხოვთ, სათაურის ველში მიუთითეთ პოზიციის დასახელება - კირქვის მიმღები დანადგარის ოპერატორი (რუსთავი)

გისურვებთ წარმატებას!


თქვენი პერსონალური მონაცემები, რომლებიც ჰანიველ ცემენტისთვის ხელმისაწვდომი გახდა გამოცხადებულ ვაკანსიაზე განაცხადების განხილვისას, ჰანიველ ცემენტის მხრიდან დამუშავდება "პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად. თქვენს მიერ წარმოდგენილი პერსონალური მონაცემების დამუშავების ვადა განისაზღვრება 3 წლის ვადით.

კანდიდატის პერსონალური მონაცემები, უშუალოდ იმ ვაკანსიაზე განხილვის გარდა, რომელზეც გამოიგზავნა განაცხადი, შესაძლოა შენახული და გამოყენებული იქნას თქვენი კანდიდატურის სხვა პოზიციაზე განსახილველად. თუ თქვენ წინააღმდეგი ხართ, თქვენი კანდიდატურა განხილულ იქნას სხვა პოზიციაზე ან გსურთ შპს ჰანიველ ცემენტმა შეწყვიტოს თქვენი პერსონალური მონაცემების დამუშავება, შეგიძლიათ დაგვიკავშირდეთ კომპანიის საკონტაქტო ნომერზე.

გაითვალისწინეთ, რომ კანდიდატის პერსონალური მონაცემების გამოგზავნით, თქვენ ადასტურებთ, რომ გაეცანით წინამდებარე შეტყობინებას და თანახმა ხართ, თქვენი პერსონალური მონაცემები დამუშავდეს ზემოაღნიშნული პირობების დაცვით.

ჰანიველ ცემენტი კანდიდატთა შერჩევის პროცესს ახორციელებს „დისკრიმინაციის ყველა ფორმით აღმოფხვრის შესახებ“ საქართველოს კანონის მოთხოვნათა და პირთა მიმართ თანაბარი მოპყრობის პრინციპების დაცვით და გამორიცხავს პირთა მიმართ დისკრიმინაციას ნებისმიერი ნიშნით. ჩვენ ვგმობთ და ვემიჯნებით ნებისმიერი სახის დისკრიმინაციას და სექსუალურ შევიწროვებას, როგორც წინასახელშეკრულებო (მათ შორის, ვაკანსიის შესახებ განცხადების გამოქვეყნებისას და შერჩევის ეტაპზე), ისე, შრომითი ურთიერთობის ფარგლებში.