ბავშთა საგანმანათლებლო ცენტრი „ალუბლები“ აცხადებს ვაკანსიას სრულ და არასრულ სამუშაო განაკვეთზე ფილიალის მენეჯერის პოზიციაზე

მდებარეობა: ქ. თბილისი: საბურთალო: ალ.იოსელიანის 1 შესახ. 1 -ყოფილი ჯიქიას ქუჩის მიმდებარედ.

სამუშაოს ტიპი: სრული განაკვეთი, კვირაში 40 საათი.
სამუშაო დღეები: ორშაბათიდან -პარასკევის ჩათვლით
ხელფასი: 1000+ ლარი კვალიფიკაციის და გამოცდილების შესაბამისად.

პოზიციის მიმოხილვა: მენეჯერი კომპანიის ცენტრალურ ოფისთან შეთანხმებით, დამოუკიდებლად მართავს შესაბამის ფილიალს წინასწარ დადგენილი სტანდარტების მეშვეობით. იგი სრულად არის პასუხისმგებელი ფილიალის როგორც ადმინისტრაციული პროცესების, ისე აკადემიური პროცესის წარმართვის ორგანიზებაზე საერთაშორისო სტანდარტების შესაბამისად.

სავალდებულო უნარ-ჩვევები:

• ბავშვებისადმი სიყვარული და მათთან პოზიტიური კომუნიკაციის უნარი;
• ლოგიკური და ანალიტიკური აზროვნების უნარი;
• შრომისმოყვარეობა და სტრესისადმი მედეგობა;
• ორგანიზებულობა, დისციპლინირებულობა და პასუხისმგებლობის მაღალი დონე;
• სოციალური პასუხისმგებლობის გრძნობა .

საკვალიფიკაციო მოთხოვნები:

• საკომუნიკაციო ინგლისური ენის ცოდნა;
• მენეჯერად მუშაობის არანაკლებ 1 წლიანი გამოცდილება;
• სასურველია ბიზნეს ადმინისტრირების/მენეჯმენტის მიმართულებით განათლება;
• სასურველია მარკეტინგის და ბრენდინგის მიმართულებით ზოგადი ცოდნა ან გამოცდილება;
• უპირატესობა მიენიჭება განათლების მიმართულებით საქმიანობის გამოცდილების მქონე კანდიდატს.

სამუშაო აღწერილობა:
საგანმანათლებლო პროცესის ხარისხიანად, შეუფერხებლად და უსაფრთხოდ წარმართვა:

• ცენტრში სასწავლო პროცესის ორგანიზება;
• თანამშრომლების მიერ თავიანთი საქმიანობის განხორციელებისას მათი ხელშეკრულების, სამუშაო აღწერილობის, თანამდებობრივი ინსტრუქციებისა და სხვა შიდასამართლებრივი აქტების სრული დაცვის კონტროლი;
• წინასწარ განსაზღვრული სასწავლო გეგმის შესაბამისად აქტივობების ჩატარების ზედამხედველობა, მათ შორის, ჩატარებული ტრენინგების თემატიკის, ტრენინგის შინაარსის, მეთოდოლოგიისა და თანმიმდევრობის სასწავლო გეგმასთან შესაბამისობის ზედამხედველობა;
• მშობელთა საკომუნიკაციო ჯგუფების მართვა;
• აღსაზრდელების უსაფრთხოების უზრუნველობა;
• ცენტრის ჰიგიენურ-სანიტარული სტანდარტების დაცვის უზრუნველყოფა.
• მაღალკვალიფიციური აკადემიური პერსონალის მოზიდვა
• ახალი პერსონალის მიღებისა და ადაპტაციის პროცედურის წარმართვა.

აღსაზრდელებისა და მათი მშობლების კმაყოფილებაზე ზრუნვა, კერძოდ:

• აღსაზრდელებისა და მათი მშობლების კმაყოფილების მუდმივი მონიტორინგი, საყურადღებო შემთხვევების გამოვლენა აღსაზრდელებისა და მათი მშობლების მხრიდან ნებისმიერი, მათ შორის, უმცირესი უკმაყოფილების დაფიქსირების შემთხვევაში, დაუყოვნებლივ რეაგირება და ზემდგომი პირის ინფორმირება;
• შესაძლებლობის ფარგლებში, აღსაზრდელთა და მშობელთა კმაყოფილების გასაუმჯობესებლად, ახალი იდეებისა, თუ წინადადებების ზემდგომი პირისთვის მიწოდება;
• პერიოდულად, ხარისხის შეფასების მექანიზმებში, თავისი როლის შესაბამისად, მონაწილეობის მიღება, განხორციელებული ხარისხის გარე შეფასების მექანიზმების შედეგად გამოვლენილი ხარვეზების, თავისი კომპეტენციის ფარგლებში, გამოსწორების ხელშეწყობა;
• ყოველი თვის ბოლოს რეპორტის ფორმის შევსებაში, თავისი კომპეტენციის ფარგლებში, მონაწილეობის მიღება.

კონკურსი ჩატარდება ორ ეტაპად: პირველ ეტაპზე შერჩევა მოხდება CV-ის საფუძველზე. მეორე ეტაპზე ჩატარდება გასაუბრება.
საბუთების მიღების ბოლო ვადაა 2025 წლის 15 აგვისტო.

დაინტერესებულ პირებს გთხოვთ, გამოაგზავნოთ CV ფოტოსურათით და სურვილის შემთხვევაში, მცირე სამოტივაციო წერილი შემდეგი ელექტრონული ფოსტის მისამართზე: alublebi2014@gmail.com და გთხოვთ, სათაურის ველში აუცილებლად მიუთითოთ პოზიციის დასახელება სათაურის გარეშე აპლიკანტის განაცხადი შეიძლება არ იქნას განხილული.

აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, კომპანიამ "პერსონალურ მონაცემთა დაცვის შესახებ კანონის" ფარგლებში შეაგროვოს, დაამუშაოს და შეინახოს თქვენი ინფორმაცია. პერსონალური მონაცემები გამოყენებული იქნება მხოლოდ დასაქმებისათვის საჭირო პროცედურებისთვის და თქვენი თანხმობის გარეშე არ გადაეცემა მესამე პირებს.

გისურვებთ წარმატებებს!